Актер Тәуекел Мүсілімнің үшінші ұлы дүниеге келді

Танымал актер Тәуекел Мүсілімнің үшінші ұлы дүниеге келді. Желі қолданушылары актер мен жұбайын құттықтап жатыр, деп жазады KAZ.NUR.KZ.

Актер үшінші ұлының дүниеге келгенін өзі арнайы хабарламаған. Алайда Instagram желісіндегі stories бөлімінде құттықтауларды бөлісіп қойған.

"Тәуекел, Махаббат үшінші ұлдарынның дүниге келгені құтты болсын, бауы берік болсын!", "Тәке бөпенің бауы берік болсын", "Тәуекел мен Махаббаттың үшінші ұлдары дүниеге келді", - деп жазған желі қолданушылары.

Айта кетейік, бұған дейін актер отбасындағы қуанышты жаңалықты бөлісіп, үшінші балаларының өмірге келуін күтіп отырғанын айтқан еді. Кейін актердің жары үшінші перзенттерінің де ұл бала болатынын хабарлады.