Алматыда отбасы белгісіз заттан уланды

Алматыда отбасы белгісіз затпен уланған. Алдын ала ақпарат бойынша, уланудан біраз уақыт бұрын әйел үйді жәндіктерге қарсы затпен тазалаған деп хабарлайды KAZ.NUR.KZ.

Оқиға туралы ақпарат Facebook әлеуметтік желісінде пайда болды. Оны журналист Ольга Гумирова жариялады.

Тілшінің айтуынша, жергілікті тұрғындардың бірі базарда "Дракон" атты жәндіктерге қарсы дәрі сатып алған.

Үйге оралғанда алматылық әйел уды терезеге шашып, балконды да сонымен тазалаған. Алайда, келесі күні ол және оның баласы өздерін күрт нашар сезінді. Жедел жәрдем бригадасы келгеннен кейін оларды жансақтау бөліміне алып кетті.

Дәрігерлер екі науқастың да ауыр улану диагнозын қойды, нәтижесінде зардап шеккендердің өкпелері жұмыс істемей қалды. Сонымен қатар, мақала авторының айтуынша, әйел мен оның баласының өмір сүру мүмкіндігі аз.

Олардан басқа, дәрігерлер келгенге дейін анасының пәтерінде болған әйелдің қызы да белгісіз заттан зардап шекті. Ол үйде бірнеше сағат болғанына қарамастан, ауыр уланудан зардап шеккен.

Интоксикация әйелдің көру қабілеті күрт нашарлады. Ол күйеуінің көмегінсіз қозғала алмайды.

Алайда, бүкіл отбасы немен уланғанын анықталмады.