Билік басындағы әйелдер: Әлемнің ең жас әрі ықпалды нәзік жандылары кімдер

Саясат әрдайым ерлердің ісі болған. Дегенмен, қазіргі заманда көптеген әйел саясат шыңын бағындыруда. Олар премьер-министр және президент қызметтерін сәтті атқарып, саяси сахнада құрмет пен беделге қол жеткізіп жатыр. Ендеше, KAZ.NUR.KZ Sputnik Қазақстанға сілтеме жасап билікте жүрген ықпалды әрі болашағы зор нәзік жандыларды ұсынады.

Исландия премьер-министрі Катрин Якобсдоуттир. Исландияның саяси қайраткері, журналист әрі оқытушы. Катрин 2017 жылғы 30 қарашадан бері Исландия үкіметін басқарды. Ол 2017 жылғы қарашада президенттен үкімет құруға мандат алды.

Ана Брнабич – серб саясаткері, 2017 жылғы 29 маусымнан бастап Сербия премьер-министрі. Бұған дейін Александр Вучич үкіметінде мемлекеттік және жергілікті өзін-өзі басқару министрі болған.

Санна Марин 2019 жылғы 10 желтоқсанында Финляндия премьер-министрі болып тағайындалды. Ол бүгінде әлемдегі қазіргі ең жас үкімет басшысы әрі Финляндия тарихындағы ең жас премьер-министр болып табылады.

Колинда Грабар-Китарович. Хорватияның мемлекеттік әрі саяси қайраткері. 2015 жылғы 19 ақпаннан бастап Хорватия президенті.

Метте Фредериксен – даниялық саясаткер, 2019 жылғы 27 маусымнан бастап Дания премьер-министрі. 2001 жылдан бері Копенгаген округінен сайланған фолькетинг депутаты. Хелле Торнинг-Шмитт үкіметінде 2011 жылдан 2014 жылға дейін жұмыспен қамту министрі, 2014 жылдан 2015 жылға дейін әділет министрі болған.

Софи Вильмес – бельгиялық мемлекеттік әрі саяси қайраткер, француз қауымдастығының өкілі, "Реформаторлық қозғалыс" партиясының мүшесі. Софи Вильмес 2019 жылғы 27 қазаннан бастап Бельгия премьер-министрі.

Керсти Кальюлайд - эстониялық экономист әрі саясаткер. 2016 жылғы 10 қазанынан бері Эстония президенті.

Майя Санду – молдовалық саяси әрі мемлекеттік қайраткер. 2016 жылғы сайлауда Молдавия президенті қызметіне үміткер болды. 2019 жылғы 8 маусымнан 12 қарашаға дейін Молдова республикасының премьер-министрі.

Жанин Аньес Чавес – боливиялық саясаткер әрі заңгер. Бени департаментіне өкілдік еткен сенатор. Президент Эво Моралес отставкасынан кейін Боливия президенті міндетін атқаруда.

Зузана Чапутова – словак мемлекеттік қызметкері, 2019 жылғы 15 маусымнан бастап бүгінге дейін Словакия республикасының президенті әрі Словакия қарулы күштерінің жоғарғы бас қолбасшысы.

Еске сала кетейік, бұған дейін ең жас әйелдерден құралған Финляндия үкіметі туралы жазған едік.

Мәтіннен қате тапсаңыз, бізге жазыңыз