Есірткі жасап, сатқан: Алматыда танымал топ мүшелері ұсталды (видео)

Опубликовано:

Видеодағы кадр
Видеодағы кадр: Алматы қаласы ПД

Есірткі жасағаны және сатқаны үшін полиция қолға түсіргендер арасында Q-pop бағытында ән айтатын MAD MEN тобының мүшелері бар. Әлеуметтік желі қолданушылары ұсталғандардың арасынан шоу-бизнес өкілдерін таныған деп хабарлайды KAZ.NUR.KZ.

Алматы полициясының видеосы пайда болғаннан кейін желідегі кадрларда MAD MEN тобының мүшелері бар деген пікірлер пайда бола бастады. Осы арада қалалық полиция департаментінің баспасөз қызметі ақпаратты растады.

"Синтетикалық есірткіні өндірген және таратқан есірткі желісі өкілдерінің бір күн бұрын ұсталған 10 адамның екеуі аталған шығармашылық топқа қатысты бар. Еске салайық, бірнеше мекенжай бойынша рұқсат етілген іздестіру жұмыстары жүргізілген. Тергеу амалдары жалғасуда", – деді ведомствода.

Еске салсақ, Қызылордада түзеу мекемесіне келген сәлемдемеден, қолдан жасалған құрт ішінен есірткі шықты.

Бұл жайт Қызылорда облысы бойынша қылмыстық атқару жүйесі департаментіне қарасты ЗК-169/5 мекемесінде болған. Қылмыстық кодекстің 297-бабы 3-бөлігімен жазасын өтеп жатқан В. есімді азаматқа жолданған сәлем-сауқаттың ішінен есірткі тектес зат анықталды. Алты дана құрттың ішінен дәкеге оралып салынған өзіне тән хош иісі бар шөп тәркіленген.

Сондай-ақ, Қарағанды полицейлері трансұлттық қылмыстық топтың жолын кесті.

Қылмыстық топты ұстау барысында олардан 70 келі синтетикалық есірткі мен 3,5 тонна пркурсорлар табылды. Ұйымдасқан топ еліміздің 5 облысында жүйкеге әсер ететін заттарды саудалаумен айналысқан.

Мақаланың түпнұсқасы: https://kaz.nur.kz/society/1909250-almatyda-esirtki-zasap-satqany-usin-ustalgandar-arasynda-tanymal-muzykanttar-bar-bolyp-syqty-video/

jitsu gif