Top.Mail.Ru

Сайт нұсқасы

ru kz

Зектілері

COVID-19: Еліміздің тағы бір өңірі "жасыл" аймаққа өтті

Опубликовано:

Коронавирус
Көрнекі фото: pixabay.com

Солтүстік Қазақстан облысы коронавирустың таралу деңгейі бойынша "сары" аймақтан "жасыл" аймаққа өтті. Бұл туралы коронавирусқа қарсы күрес жөніндегі ВАК ресми Telegram-каналында жария етті.

15 мамырдағы жағдай бойынша Қазақстан өңірлеріндегі эпидемиологиялық ахуалды бағалау матрицасы келесідегідей:

"Қызыл" аймақта:

Нұр-Сұлтан, Алматы қалалары, Ақмола, Батыс Қазақстан, Қарағанды, Павлодар облыстары.⠀

"Сары" аймақта:

Шымкент қаласы, Алматы, Атырау, Ақтөбе және Шығыс Қазақстан облыстары.

"Жасыл" аймақта:

Жамбыл, Маңғыстау, Түркістан, Қостанай Қызылорда және Солтүстік Қазақстан облыстары.

Еске салсақ, елімізде өткен тәулікте 2505 адамның коронавирусты жұқтырғаны ПТР арқылы расталып, ауырғаны белгілі болған еді. Жалпы ел бойынша ауырғандар саны - 355645.

Сонымен қатар, әлеуметтік желілерде қазақстандықтардың 21-ші күні Sputnik V вакцинасының екінші компонентін салдыра алмағандарына шағымданып жатқаны туралы ақпарат тараған болатын. Денсаулық сақтау министрлігі вакцина салудан бас тарту туралы ақпарат шындыққа жанаспайтынын мәлімдеді. Министр вакцинаның екінші компонентін 21-ші күні алғысы келетіндер мұны еш қиындықсыз жасай алатынын алға тартты.

Одан бөлек, Джордж Мейсон университетінің жүйелік биология мектебінің профессоры Анча Баранова коронавирус салдарынан адамдардың орташа өмір сүру ұзақтығы бір жарым-екі жылға қысқарып жатқанын мәлімдеген еді.

Мақаланың түпнұсқасы: https://kaz.nur.kz/society/1912655-covid-19-elimizdin-tagy-bir-oniri-zasyl-aimaqqa-otti/

pixel