Қазақстандық файтер Шавкат Рахмоновтың UFC турнирінде өткізген екінші жекпе-жегі үшін қанша сыйақы алғаны белгілі болды деп хабарлайды KAZ.NUR.KZ.
Айта кетейік, Лас-Вегаста өткен UFC Fight Night турнирінде қазақстандық файтер Шавкат Рахмонов бразилиялық Мишель Празересті тұншықтыру әдісімен жеңген болатын.
Бұл - отандасымыздың ММА-дегі он төртінші, ал UFC-дегі екінші жеңісі.
Сонымен қатар, қазақстандық өзінің барлық кездесулерін мерзімінен бұрын аяқтаған.
Ал оның қарсыласы Мишель Празерес мансабында төрт рет қарсыласына есе жіберді.
Prosports.kz ұсынған ақпаратқа сәйкес, Шавкат Рахмонов жекпе-жек үшін 40 мың доллар сыйақы алған.
Оның ішінде, 18 мың доллар айқасқа шыққаны үшін, 18 мың доллар жеңіске жеткені үшін және 4 мың қосымша сыйақы.
Еске сала кетейік, өткен жылдың 25 қазан күні Абу-Дабиде өткен UFC 254 турнирінде қазақстандық спортшы Шавкат Рахмонов UFC промоушеніндегі алғашқы кездесуін сәтті өткізді. Ол бразилиялық Алекс Оливейраны бірінші раундта жеңген болатын.
Бұл турнирдің басты жекпе-жегі ресейлік Хабиб Нурмагомедов америкалық Джастин Гэтжи арасында болды.
Ресейлік қарсыласын екінші раундта тұншықтыру әдісімен жеңіп, UFC-тегі 29-шы жеңісіне қол жеткізді.
Жекпе-жектен кейін Нурмагомедов спорттық мансабын аяқтайтынын мәлімдеді.
Мақаланың түпнұсқасы: https://kaz.nur.kz/society/1919711-savkat-raxmonov-ufc-degi-ekinsi-zekpe-zegi-usin-qansa-syiaqy-aldy/
