Байқоңырлық әйел масқаралайтын ақпарат таратпау үшін танысынан ақша бопсалаған

Байқоңырдың 26 жастағы тұрғыны танысынан ақша бопсалады деген күдікке ілінді. Әйел адам жәбірленушіні масқаралайтын ақпарат таратамын деп қорқытқан. Бұл туралы Байқоңыр прокуратурасының ресми сайтында хабарланды.

Қадағалаушы орган Байқоңыр қаласының 26 ​​жастағы тұрғынына қатысты Қазақстанның полиция қызметкерлеріне бопсалау айыбы бойынша қылмыстық іс жіберді (РФ ҚК 163-бабының 1-бөлігі).

Тергеу барысында биыл шілде айында келіншек Instagram-да танысынан ақша бопсалап, оны масқаралайтын мәліметті жария етемін деп қорқытқан. Жәбірленуші күдіктіге 99 мың рубль (584 мың теңге) аударған.

Қылмыстық іс қозғалған адам Қазақстан азаматы болғандықтан, кешен прокуратурасы оған қатысты істі одан әрі тергеу үшін Қазақстанның құқық қорғау органдарына жіберген.

Қазақстан Республикасының Қылмыстық кодексінде бопсалағаны дәлелденсе, мүлкін тәркілей отырып, төрт жылға бас бостандығынан айыру түріндегі ең жоғары жаза берілуі мүмкін екені атап өтілді.