RU

Еуроодақта "Спутник V" вакцинасын мойындау мәселесі қайта көтерілді

Екпе
Көрнекі сурет: NUR.KZ / Петр Карандашов

Еуропалық омбудсмен институтының бас хатшысы Джозеф Зигель ресейлік "Спутник V" вакцинасын Еуропалық Одақ аумағында мойындау қажет деп санайды деп хабарлайды ТАСС.

"Біз "Спутник V" айналасындағы жағдайды толығымен қабылдағымыз келеді, осылайша "Спутник V" Еуропалық Одақтың барлық елдері мақұлдайды", – деді ол Еуразиялық кеңістіктегі адам құқықтарына арналған халықаралық конференцияда.

Зигельдің айтуынша, "Спутник V" AstraZeneca немесе Pfizer сияқты пандемиямен күресетін құрал. Сонымен қатар, "адамдар үшін вакцинаны таңдай білу маңызды".

"Сондай-ақ бұл Американың ісі емес немесе вакцина монополиялары мәселесі емес, бұл адамдарға вакцина салдыруға көмектесу мәселесі екенін көріп отырмыз. Бұл келіспеушілік немесе негізгі құқықтар мен бостандықтарды шектеу болуы мүмкін емес, өйткені адамдар қай вакцинаны салдыратынын өздері шешуі керек", – деп қосты ол.

Бірқатар елдер "Спутник V"-ны мойындап, тіпті өздері шығарып жатқанына қарамастан, Еуропа мен Америка Құрама Штаттары бұл препаратты қолдануға рұқсат беруге асықпайды.

Мақаланың түпнұсқасы: https://kaz.nur.kz/society/1936762-euroodaqta-sputnika-v-moiyndau-maselesi-qaita-koterildi/