Нұр-Сұлтандағы түнгі клубтың біріне "мина" қойылды

Опубликовано:

Тәртіп
Көрнекі фото: Polisia.kz

19 желтоқсанда Нұр-Сұлтан қаласының полиция департаментіне елордадағы түнгі клубтың біріне мина қойылғаны туралы ақпарат түскен, деп хабарлайды Polisia.kz.

Ведомство мәліметінше, хабарлама құқық қорғау саласының мамандарына сағат 18.36-да түскен.

Ақпарат алысымен тәртіп сақшылары көрсетілген мекен-жайға тез арада барды.

Олар мекеменің барлық қызметкерін эвакуациялап, тексеру жүргізді.

"Ақпарат расталмады. Жарылғыш құрылғылар табылған жоқ. Аталған факті бойынша сотқа дейінгі тергеу басталды", - делінген полиция хабарламасында.

Осы орайда департамент жарылғыш зат қойылғаны туралы жалған ақпарат тарату қылмыстық жауапкершілікке әкелетінін еске салды.

Мақаланың түпнұсқасы: https://kaz.nur.kz/society/1947465-nur-sultandagy-tungi-klubtyn-birine-mina-qoiyldy/