Қазақстандықтардың шағымынан кейін "Яндекс" таксилеріне қатысты тексеру жүргізіледі
Опубликовано:
Үкімет отырысында алдағы уақытта Қазақстандағы "Яндекс" таксилеріне қатысты тексеру жүргізілетіні хабарланды, деп жазады KAZ.NUR.KZ тілшісі.
Бәсекелестікті қорғау және дамыту агенттігінің басшысы Серік Жұманғарин сенім телефонына қазақстандықтардан әлеуметтік маңызы бар азық-түлік пен жанар-жағармай бағасының негізсіз қымбаттағанына қатысты шағымдар түсіп жатқанын айтты.
Осы мәселелер бойынша агенттік Қазақстанда ондаған тергеу жұмыстарын бастады. Сонымен бірге, қазақстандықтар "Яндекс" таксилеріне де шағымданған.
"Сенім телефоны арқылы түскен арыз-шағымдар аясында агенттік "Яндекс" такси агрегаторына экономикалық қызметті үйлестіру дерегі бойынша тексеру жүргізуді тапсырды", - деп мәлімдеді Жұманғарин.
Мақаланың түпнұсқасы: https://kaz.nur.kz/society/1951678-qazaqstandyqtardyn-sagymynan-keiin-yandeks-taksilerine-qatysty-tekseru-zurgiziledi/