"64-і жарамайды": Полиция Алматыдағы жаппай тәртіпсіздік кезінде бүлінген көліктерді көрсетті

Алматы қаласының полиция департаменті жаппай тәртіпсіздік кезінде өртенген және бүлінген автокөліктер тұрған тұрақты көрсетті, деп хабарлайды KAZ.NUR.KZ тілшісі.

Ведомствоның мәліметінше, қаладағы жаппай тәртіпсіздік салдарынан 165 қызметтік көлік бүлінген. Оның 53-і өртенген.

Жалпы бүлінген көліктердің 64-ін қалпына келтіру мүмкін емес, дейді құзырлы орган.

Сонымен қатар, қалалық полиция департаменті жаппай тәртіпсіздік пен қарулы шабуылдардан келген шығынның алдын ала қорытындысын жарияланды. Олардың дерегінше:

• 5 фронт-офис өртенген;
• Алмалы аудандық полиция басқармасы мен полиция департаментінің ғимараты бүлінген;
• 19 модульдік және 13 экологиялық бекеттер бүлінген және өртенген.

Естеріңізге сала кетейік, бұған дейін елдегі жаппай тәртіпсіздікке қатысқан 600-ден астам адам қамаудан босатылғанын жазған едік.