Top.Mail.Ru

Сайт нұсқасы

ru kz

Зектілері

Нұр-Сұлтанда жоғалып кеткен аутизмі бар 12 жасар бала табылып, Қосшы полициясына жеткізілді

Опубликовано:

Орманда жүрген бала байланысты іздеуде
Көрнекі фото: Pexels.com

Кеше, 28 тамыз күні полицияға аутизммен ауыратын 12 жасар баланың ата-анасы баланың жоғалғаны туралы арыз берді, деп хабарлайды ІІМ баспасөз қызметінің ресми Telegram арнасы.

28 тамыз күні сағат 16:02-де 102 арнасына таңғы сағат 08:45-те 12 жасар кәмелетке толмаған баланың үйден шығып кеткені және оралмағаны туралы хабарлама келіп түскен. Анасының айтуынша, ұлы аутизммен ауырады. Баланы өз бетінше іздестіру нәтиже бермегеннен кейін әйел тәртіп сақшыларынан көмек сұраған.

Полицейлер дереу еріктілермен бірге баланы іздеуге кірісті. Оны іздеуге елордалық полицияның жеке құрамы мен көршілес аудандық бөлімшелердегі әріптестер жұмылдырылды.

"Көп ұзамай Нұр-Сұлтаннан Қосшы қаласына қарай айналма жолда көлік жүргізіп келе жатқан әйел жоғалған жасөспірімді байқап тоқтаған. Оның қайда бара жатқанын сұраған сәтте бала бұл маңайға қалай жеткенін нақты түсіндіре алмаған соң, оны Қосшы полиция бөліміне апарғаны туралы ақпарат келіп түсті", – деп хабарлады құқық қорғау органынан.

Қазіргі уақытта кәмелетке толмаған бала ата-анасына тапсырылды. Баланың жағдайы қалыпты.

Мақаланың түпнұсқасы: https://kaz.nur.kz/society/1985324-nur-sultanda-zogalyp-ketken-autizmi-bar-balany-qossy-policiyasyna-alyp-bardy/