Аптап ыстық сақталады: Cиноптиктер бүгін елімізде ауа райы қандай болатынын хабарлады

Бүгін, 7 қыркүйекте Алматы мен Шымкентте ыстық ауа райы сақталады, ал Нұр-Сұлтанда күн сәл суытады, деп хабарлайды "Қазгидромет" РМК ресми сайты.

Синоптиктердің болжауынша, Алматыда ыстық ауа райы сақталады. Бүгін термометр бағаны +33...+35 градусқа дейін ыстықты көрсетеді. Оңтүстік астанада желдің жылдамдығы секундына 2-7 метрге жетеді.

Мамандар Шымкентте де аптап ыстық болады деп болжап отыр. Қалада күн +36...+38 градусқа дейін ысиды. Мегаполисте желдің жылдамдығы 8-13 м/с болады.

Нұр-Сұлтанда ауа температурасы +18...+20 градус, сондай-ақ желдің екпіні 9-14м/с-тан 15-20 м/с дейін күшейеді деп күтілуде.

Айта кетейік, кеше Төтенше жағдайлар департаменті Алматы қаласының тұрғындарына аптап ыстыққа байланысты тұрғындарға үндеу жасаған.

Мәтіннен қате тапсаңыз, бізге жазыңыз