Top.Mail.Ru

Сайт нұсқасы

ru kz

Зектілері

Іле-Алатау ұлттық саябағында қар барысы видеоға түсіп қалды

Опубликовано:

Қар барысы
Ормандағы қар барысы. Көрнекі фото: Рixabay.com

Іле-Алатау мемлекеттік ұлттық табиғи саябағының Ақсай филиалында қар барысы видеоға түсіп қалды, деп хабарлайды ұлттық парктің Instagram желісіндегі ресми парақшасы.

Видеодағы кадрдан қар барысының ағаштардың ортасында аяңдап кетіп бара жатқанын көруге болады.

Іле-Алатау ұлттық саябағының мамандары ілбістің ұлттық саябақ аумағын бұрыннан мекен ететінін айтты.

"Ұлттық парктің ғылыми-зерттеу қызметкері мен Ақсай филиалының аңтанушы-биолог маманы 05.12.2022 ж. бастап Ақсай филиалында зерттеу жұмыстарын жүргізуде. Әрі қарай Ұлттық парк пен Зоология институты арасында ғылыми әріптестік келісімшарты негізінде жұмыстар атқарылады", – делінген хабарламада.

Ақсай сайындағы адамдарға жақын мекендеп жүрген ілбіс мемлекеттік инспекторлардың қадағалауында.

Соңғы мәліметтер бойынша, қазір елімізде 140-180-ге жуық қар барысы мекендейді.

Еске салсақ, қазан айында Алматы қорығында қар барысы камераға түсіп қалған болатын.

Мақаланың түпнұсқасы: https://kaz.nur.kz/society/2000682-ile-alatau-ulttyq-sayabagynda-qar-barysy-videoga-tusip-qaldy/