"Бұл абсурд": Боранбаев сотта өз кінәсін мойындамайтынын айтты

Қазір Астанада соты жүріп жатқан жатқан кәсіпкер Қайрат Боранбаев тағылған айыптың мәнін түсінбейтінін және өз кінәсін мойындамайтынын айтты, деп хабарлайды KAZ.NUR.KZ.

Кәсіпкердің айтуынша, қорғаушының дәлелдері мен құжаттары жұмысқа қабылданбағандықтан, оған тергеуге қатысты пікір білдіру өте қиын.

"Біз "QazaqGaz" ҰК" АҚ құжаттарын, келісімшарттарды көрсетіп жатырмыз, бір қызығы, оларды ешкім жұмысқа қабылдамаған. Айыптың мәні түсініксіз. Ол әлсіз, бізге не айып тағылып жатқанын түсінбейміз. Егер маманның қорытындысы бойынша компанияға зиян келгенін көрсетпесе, бұл жай ғана баға айырмашылығы болса, онда бұл абсурд. Мен өз кінәмді мойындамаймын", – деді ол.

"QazaqGaz" ҰК" АҚ басқармасының бұрынғы басшысы Қайрат Боранбаев 2022 жылдың наурыз айында ұсталған болатын. Ол бір топ адаммен бірге сұйытылған мұнай газын сатып алу және қылмыстан түскен табысты заңдастыру кезінде 14,5 миллиард теңгені жымқырды деген күдікке ілінді.

Сонымен бірге желтоқсан айының соңында өткен сот отырысында Боранбаевтың адвокаты қорғауындағы бұлтартпау шарасын қамауға алудан жеңілдетілген түрдегі бұлтартпау шарасына өзгертуді сұрады, бірақ судья одан бас тартты.

Бүгін айыпталушы елден қашуға әрекет жасағаны туралы ақпаратты жоққа шығарды.

Мәтіннен қате тапсаңыз, бізге жазыңыз