Жаңбыр, +10 градус жылы: бүгін еліміздің ірі қалаларында ауа райы қандай болады

Синоптиктер бейсенбі, 2 ақпанда еліміздің үш ірі қаласы - Астана, Алматы және Шымкентте ауа райы қандай болатынын болжады, деп хабарлайды KAZ.NUR.KZ "Қазгидромет" РМК-ға сілтеме жасап.

Метеорологтардың мәліметінше, бүгін Алматыда күндіз термометр бағаны +6...+8 градусты көрсетсе, түнде ауа температурасы 0...-2 градусқа дейін төмендейді. Мегаполисте жаңбыр жауады деп күтілуде. Желдің жылдамдығы 2-7 м/с дейін жетуі мүмкін.

Шымкент тұрғындарын да дәл осындай ауа райы күтіп тұр. Синоптиктер бүгін қалада жаңбыр жауады деп болжайды, ауа температурасы +8...+10 градус, желдің жылдамдығы 8-13 м/с, екпіні 17-22 м/с болады деп күтілуде. Ал түнде термометр бағаны 0...+2 градусқа дейін төмендейді.

Астанада бүгін жауын-шашынсыз, аязды ауа райы күтілуде. Күндіз сынап бағанасы -10...-12 градусқа дейін, түнде -23...-25 градусқа дейін төмендеуі ықтимал. Желдің жылдамдығы 3-8 м/с.

Айта кетейік, бұған дейін Алматы қалалық ТЖД 2 ақпан күні түнде және таңертең Алматы қаласында тұманды ауа райы күтілетінін, сондықтан көлік жүргізушілерін аса сақ болуға шақырған еді.