Түркияда жер сілкінісінен аман қалған қазақстандық Сабина Мамадияроваға ота жасалды
Опубликовано:
Сыртқы істер министрлігінде өткен брифингте Түркиядағы жер сілкінісінен аман қалған қазақстандық Сабина Мамадиярованың жағдайы туралы белгілі болды. Оған Адана қаласындағы мемлекеттік ауруханада ота жасалған, деп хабарлайды KAZ.NUR.KZ.
"Жер сілкінісінен аман қалған Сабина Мамадиярованың Адана қаласының мемлекеттік ауруханасында жатқаны белгілі. Кеше оның жарақат алған қолына ота жасалды, жағдайы тұрақты. Дипломаттар емдеуші дәрігерлермен тұрақты байланыста, ол қажетті медициналық көмекті алып жатыр. Бүгін консулдың өзі оған барып, қал-жағдайын біледі", – деді СІМ баспасөз хатшысы Айбек Смадияров.
Еске салайық, Түркиядағы жер сілкінісінен аман қалған қазақстандықтың табылғаны жайлы 8 ақпанда белгілі болды. Қыз үйінді астынан табылды.
Сондай-ақ бүгін Түркиядағы жер сілкінісінен кейін тағы бір қазақстандық әйелді іздеп жатқаны белгілі болды. Ол 6 ақпаннан бері байланысқа шақпаған.
- Түркиядағы жер сілкінісі: заманауи, жаңа үйлер неге қирады
- Қазақстан Сирияға гуманитарлық көмек жіберді (фото, видео)
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2008962-turkiyada-aman-qalgan-qazaqstandyq-sabina-mamadiyarovaga-ota-zasaldy/