Сирияға Қазақстаннан 50 тонна гуманитарлық көмек барды (фото, видео)

Қазақстаннан гуманитарлық көмек Сирияға жеткізілді. Зардап шеккен аймаққа көмек беру рәсімі Алеппо қаласының әуежайында өтті, деп хабарлайды Азық-түлік қауіпсіздігі жөніндегі Ислам ұйымының ресми сайты.

"Азық-түлік қауіпсіздігі жөніндегі Ислам Ұйымының (IOFS) қолдауымен Қазақстан жер сілкінісінен зардап шеккен Сирияға 50 тонна гуманитарлық көмек жеткізді", - делінген ұйымның сайтында.

Еске сала кетейік, бұған дейін мемлекет басшысы үкіметке Ислам ынтымақтастық ұйымы арқылы Сирияға гуманитарлық көмек жіберуді тапсырған болатын. Бүгін, 10 ақпан күні таңертең Қазақстан үкіметі Сирияға гуманитарлық көмек бөлетінін хабарлады.

Еске салайық, Қазақстан Түркияға, сондай-ақ жер сілкінісінен зардап шеккен аймақтарда іздестіру жұмыстарын жүргізіп жатқан оның құтқарушылары мен дәрігерлеріне 1 миллион долларға көмек жіберген болатын.

Мақаланың түпнұсқасы: https://kaz.nur.kz/society/2009017-siriyaga-qazaqstannan-50-tonna-gumanitarlyq-komek-bardy-foto-video/