Алдағы үш күнде Қазақстанда жауын-шашын, найзағай, тұман күтіледі

Синоптиктер 21-23 ақпан аралығында елімізде ауа райы қандай болатынын болжады, деп жазады KAZ.NUR.KZ "Қазгидромет" РМК-ға сілтеме жасап.

Мамандардың болжамынша, алдағы үш күнде республиканың солтүстік жартысында жауын-шашын (қар, жаңбыр), көктайғақ, тұман, екпінді жел, күндіз Қазақстанның оңтүстігінде найзағай күтіледі.

Ал кейбір өңірлерде температуралық фонның өзгеруі күтіледі. Мәселен:

• Республиканың батысында түнде 0...-8 градустан -7...-15 градусқа дейін төмендеуі;
• Еліміздің солтүстік-батысында, солтүстігінде, шығысында -5...-15 градустан 0...-8 градусқа дейін жоғарылауы;
• Орталықта -2...-15 градус аяздан -3...+3 градусқа дейін ауытқуы;
• Республиканың оңтүстік жартысында түнде ауа температурасының -3 ...+3 градусқа дейін жоғарлауы күтілуде.

Айта кетейік, синоптиктердің болжамынша, осы аптада Алматы қаласында 13 градусқа дейін күн жылынады.

Мәтіннен қате тапсаңыз, бізге жазыңыз