Тұман, көктайғақ: сенбіде еліміздің ірі мегаполистерінде күн райы қандай болады

Бүгін еліміздің бірнеше өңірінде жауын-шашын, жаңбыр аралас қар, бұрқасын, желдің күшеюі күтіледі, деп хабарланды "Қазгидромет" мемлекеттік метеорологиялық қызметінің сайтында.

Синоптиктердің мәліметінше, елімізге Қара теңіз аудандарынан жылдам ауысатын антициклон, ал оның артынан елдің батысына орталығы Скандинавия түбегіндегі циклон жырасы әсер етеді.

Сондай-ақ Қазақстанның бірнеше өңірінде жауын-шашын, желдің күшеюі күтіледі. Тек елдің орталығында жауын-шашынсыз ауа райы болжануда.

Сонымен қатар ел бойынша тұман мен көктайғақ болуы ықтимал.

Алматыда ауа райы көшпелі бұлтты болып, жауын-шашын күтілмейді. Ауа температуры түнде +1+3 °C, күндіз +12+14 °C-қа дейін жылынады.

Астанада ауа райы көшпелі бұлтты, жауын-шашынсыз болады. Күндіз -4-6 °C болса, түнде -11-13 °C-қа дейін күн суытады.

Шымкентте көшпелі бұлтты, жауын-шашынсыз ауа райы күтіледі, күндіз ауа температурсы +4+6 °C жылы болса, түнде +1+3 °C жылынады.

Айта кетейік, 4 наурызда Астанада және басқа да облыстарда дауылдық ескерту жарияланған болатын.