Қазақстанның төрт облысында өзендердегі су деңгейі көтеріліп, тасқын болуы мүмкін

Синоптиктер алдағы үш күнде Абай, Ақтөбе, Шығыс Қазақстан және Қарағанды ​​облыстарында су басу қаупі жоғары екенін ескертті, деп хабрлайды "Қазгидромет" РМК сайтында.

"Қазгидромет" мәліметінше, аталған төрт облыста да 30 наурыз бен 1 сәуір аралығында дауылдық ескерту жарияланып отыр.

Синоптиктердің болжамынша, Қарағанды ​​облысында қар еруінің жалғасуы мен еріген ағынды сулардың қосылуына байланысты өзендердегі су деңгейінің көтерілуі күтілуде.

Сонымен қатар Абай, Ақтөбе (Мартөк, Қарғалы, Хромтау, Әйтеке би аудандары, Ақтөбе қаласы) өңірлерінде және Шығыс Қазақстан облысының басым бөлігінде жауын-шашынға, еріген қарға байланысты, өзендердегі су деңгейінің көтерілуі, судың жайылуы және тасқын күтілуде.

Айта кетейік, бұған дейін наурыз айының соңғы күндері кей өңірлерде қатты жаңбыр жауып, күн суытуы мүмкін екенін хабарлаған едік.

Мақаланың түпнұсқасы: https://kaz.nur.kz/society/2014651-qazaqstannyn-tort-oblysynda-su-tasqyny-boluy-mumkin/