Бүгін Қазақстанның ірі қалаларының бірінде қар жауады

Синоптиктер бүгін, 16 сәуір еліміздің ірі қалаларына арналған ауа райы болжамын ұсынды, деп хабарлайды "Қазгидромет" РМК.

Синоптиктердің мәліметінше, бүгін Алматыда күн ала бұлтты болады. Қалада күндіз ауа температурасы +18...+20 градусқа барады деп күтіліп отыр.

Ал Астанада жексенбіде тағы қар жаууы мүмкін және нөлден төменгі температура сақталмақ. Мамандар 16 сәуір күні қалада термометр бағанасы -4 пен 2 градусты көрсететінін атап өтті. Сонымен қатар Астанада бүгін жел соғады және оның жылдамдығы секундына 15-20 метрге дейін жетеді.

Шымкентте бүгін жауын-шашын күтіледі. Синоптиктердің дерегінше, еліміздің мегаполисінде жексенбіде жаңбыр жауып, найзағай жарқылдайды және ауа температурасы +20...+22 градус болмақ.

Айта кетейік, бүгін Қазақстанның көп өңірінде дауылдық ескерту жарияланды.