Алдағы мереке күндері Халыққа қызмет көрсету орталықтары қалай жұмыс істейді

Алдағы уақытта мереке күндеріне байланысты 1, 8 және 9 мамырда Халыққа қызмет көрсету орталықтары мен Арнайы халыққа қызмет көрсету орталықтары жұмыс істемейтін болады, деп хабарлайды KAZ.NUR.KZ "Азаматтарға арналған үкіметтің" баспасөз қызметіне сілтеме жасап.

"Мереке күндеріне байланысты Қазақстанның халыққа қызмет көрсету орталықтары мен Арнайы халыққа қызмет көрсету орталықтары 1, 8 және 9 мамырда жұмыс істемейтін болады", - делінген хабарламада.

Мемлекеттік корпорацияның айтуынша, 6 мамыр, сенбі күні халыққа қызмет көрсету орталығы (ХҚКО) мен Арнайы халыққа қызмет көрсету орталығының (АХҚКО) кезекшіліктегі қызметкерлері ғана жұмысқа шығады.

"Мереке күндерінен кейін 10 мамырдан бастап барлық халыққа қызмет көрсету орталығы әдеттегі кесте бойынша жұмысын жалғастырады", - деді "Азаматтарға арналған үкіметтің" баспасөз қызметінде.

ХҚКО азаматтарды әдеттегі режим бойынша жұмыс күндері – сағат 9:00-ден 18:00-ге дейін, кезекшілік кезіндегі жұмыс күндері – сағат 9:00-ден 20:00-ге дейін, ал сенбі күні – сағат 9:00-ден 13:00-ге дейін қабылдайды.

Еске сала кетейік, мамыр айында Қазақстанда үш мемлекеттік мереке тойланады:

• Қазақстан халқының бірлігі – 1 мамыр;
• Отан қорғаушылар күні – 7 мамыр;
• Жеңіс күні – 9 мамыр.

Мерекелердің ресми күнтізбесі бойынша қазақстандықтар 29 сәуір мен 1 мамыр аралығында үш күн демалады. Мерекелерден кейінгі демалыс күндері 6 мамырдан 9 мамырға дейін созылады. Биыл Отан қорғаушылар күні жексенбіге келіп түскен, сондықтан демалыс уақыты 8 мамырға ауыстырылды.