"Құрбан айт пен балалар күні": маусым айында қазақстандықтар қанша күн демалады (фото)

Қазақстандықтар жаздың бірінші айында Құрбан айт мейрамына байланысты бір күн қосымша демалады, деп хабарлайды KAZ.NUR.KZ.

Биыл 28 маусым, сәрсенбі Құрбан айттың бірінші күнімен сәйкес келеді. Елімізде Құрбан айт мерекесінің нақты күні жыл сайын өзгеріп отырады.

Еңбек кодексінде Құрбан айттың бірінші күні кесте мен жұмыс режиміне қарамастан, демалыс күні болып белгіленген.

Осылайша, 28 маусым, яғни сәрсенбі қазақстандықтар 1 күн қосымша демалыс алады.

Ал 1 маусым — Халықаралық балалар күні ресми демалыс күніне жатпайды.

Айта кетейік, биыл 1 маусым Алматы мен Астана қалаларында 4, 9, 11 сыныптарды бітірушілер үшін салтанатты шара болатыны хабарланды.

Мәтіннен қате тапсаңыз, бізге жазыңыз