"Жаңбыр, найзағай": бүгін еліміздің ірі қалаларында ауа райы қандай болады

Жексенбі, 4 маусымда Қазақстанның мегаполистерінде ауа температурасы 30 градустан жоғары болады. Бүгінгі ауа райы болжамы "Қазгидромет" РМК ресми сайтында жарияланған, деп хабарлайды KAZ.NUR.KZ.

Астана күн бұлты болып, термометр бағанасы +36...+38 градусты көрсетеді және секундына 5-10 метр жылдамдықпен жел соғады.

Ал Алматыда жексенбіде найзағай жарқылдап, жаңбыр жауады деп күтілуде. Мамандардың дерегінше, 4 маусымда оңтүстік астанада ауа температурасы +30...+32 градус болып, жел тұрады.

Шымкентте күн бұлтты болады. Термометр бағанасы күндіз +33...+35 градусты көрсетуі мүмкін. Сонымен қатар үшінші мегаполисте де жел соғады. Оның жылдамдығы секундына 8-13 метрге жетеді.

Еске сала кетейік, бұған дейін синоптиктер жаздың алғашқы айында Қазақстан аумағында ауа райы қандай болатынын болжаған еді.