Алдағы үш күнде елімізде ауа райы қандай болмақ

Синоптиктер алдағы үш күнде, атап айтқанда 29, 30, 31 шілдеде Қазақстанда ауа райы қандай болатынын болжады. Бұл туралы "Қазгидромет" РМК баспасөз қызметі хабарлады.

Синоптиктердің болжауынша, алдағы күндері Қазақстан бойынша найзағай ойнап, бұршақ жауып, екпінді жел сақталады. 29 шілдеде республиканың шығыс және оңтүстік-шығыс облыстарында қатты жауын-шашын болады.

Сонымен қатар үш күн бойы Ақтөбе облысында, 31 шілдеде Жамбыл облысында 40-43 градус аптап ыстық күтіледі.

Айта кетейік, бүгін, 28 шілдеде Алматыда найзағай ойнап, жел күшейеді, Астана мен Шымкентте жауын-шашынсыз ыстық ауа райы күтіледі.

Мәтіннен қате тапсаңыз, бізге жазыңыз