Алматы аудандарының бірінде уақытша ыстық су өшіріледі

Алматы қаласының Жетісу ауданындағы ғимараттардың бір бөлігі ыстық судан уақытша өшіріледі. Бұл туралы Алматы қаласы әкімдігінің Telegram-дағы ресми арнасында хабарланды.

Әкімдік ақпаратынша, 14-19 тамыз аралығында Жетісу ауданының аумағында Первомайская мұнай базасы – Геологтар және Көкжиек шағын ауданы көшелерінің контурында орналасқан тұрғын үйлер мен өзге де ғимараттарда уақытша ыстық су болмайды.

"Шектеулер "Алматыжылукоммуннерго" ЖШС қазандықтарында жоспарлы жөндеу жұмыстарын жүргізу үшін енгізіледі", - делінген "Алматы жылу жүйесі" ЖШС хабарламасында.

Әкімдіктегілер уақытша қолайсыздықтарға түсіністікпен қарауды сұрап отыр.

Еске салсақ, бұған дейін Алматының кейбір аудандарында уақытша ыстық су болмайтыны туралы жазған едік.