Жүрек тұсына екі саусағын қойған: Атырау облысында әскери қызметкер әнұранды құрметтемегені үшін жазаланды

Атырау облысында әскери қызметкерге әнұранды құрметтемегені үшін айыппұл салынды. Ол жүрек тұсына екі саусағын ғана қойып тұрған, деп хабрлайды ATPress.kz.

Басылым мәліметінше, бұл жайт Мақат ауданында "Зарница" әскери-спорттық ойыны басталар кезде болған.

Мемлекеттік әнұран орындалған кезде әскери қызметкерлердің бірі жүрек тұсына екі саусағын қойып, әнұранға құрметсіздік танытқан.

"Осыған байланысты Мемлекеттік рәміздерді насихаттау жөніндегі ұлттық орталық облыстық ішкі саясат басқармасы мен аудан әкіміне ұсыныс жолдады", - деп жазады басылым.

Басылым ақпаратынша, ер адам ӘҚБтК-нің 458-бабы 1-бөлігі бойынша кінәлі деп танылып, оған 50 АЕК (172 500 теңге) көлемінде айыппұл салынған.