Израильдегі "Болашақ" стипендиаттары елге қайтады
Опубликовано:
"Халықаралық бағдарламалар орталығы" АҚ Израильдегі соғыс жағдайына байланысты сол елде оқып жатқан "Болашақ" стипендианттары елге қайтарылатынын мәлімдеді, деп хабарлайды ҚазАқпарат агенттігі.
"Израильде "Болашақ" бағдарламасы арқылы 16 адам білім алып жатқан. Оның ішінде Хайфа қаласында 12 студент бар. Қалған 4 студент басқа қалалардағы ұйымдарда тағылымдамаға кеткен. Олар бүгін Қазақстанның эвакуациялау ұшағымен елге қайтарылады", - деді орталықтың баспасөз қызметі.
Агенттік хабарлауынша, орталықтың баспасөз қызметі олардың оқуын жалғастыру мәселесін арнайы қарастыратынын жеткізді.
Айта кетейік, бүгін таңғы 8:00-де Air Astana ұшағы Алматыдан Тель Авивке ұшып кеткен болатын. Қазақстандық студенттер мінген ұшақ елге түнгі уақытта жетеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2040406-izraildegi-bolasaq-stipendiattary-elge-qaitady/