Қазақстандықтар мінген ұшақ Израильден ұшып шықты (фото)

Бүгін Израильден Қазақстанға репатриациялық рейс ұшты. Ұшақ бортында 166 жолаушы бар, деп хабарлайды Сыртқы істер министрлігінің Telegram-дағы ресми арнасына сілтеме жасаған KAZ.NUR.KZ.

"10 қазанда Астана уақыты бойынша сағат 16:45-те Тель-Авив қаласынан (Израиль) Қазақстанға репатриациялық рейс ұшып шықты. Бортта 166 жолаушы бар, оның ішінде 124-і Қазақстан азаматы және 42-сі шетелдік азамат", - делінген хабарламада.

Ведомство мәліметінше, бүгін кешке ұшақ Алматы қаласына қонады деп күтілуде.

Айта кетейік, "Халықаралық бағдарламалар орталығы" АҚ Израильдегі соғыс жағдайына байланысты сол елде оқып жатқан 16 "Болашақ" стипендианты елге қайтарылатынын мәлімдеген еді.

Мәтіннен қате тапсаңыз, бізге жазыңыз