Бүгін еліміздің басым бөлігінде күн ашық болады деп күтілуде

Синоптиктер сәрсенбі, 18 қазанда ел аумағында ауа райы қандай болатынын болжады, деп хабарлайды "Қазгидромет" РМК ресми сайтында.

Метеорологтардың мәліметінше, бүгін Қазақстанның басым бөлігінде жауын-шашынсыз, күн ашық болады.

Тек еліміздің солтүстік-батысында, түнде оңтүстік-батысында және күндіз оңтүстікте атмосфералық фронтальды бөліктердің әсерінен жаңбыр жауады, сондай-ақ түнде Ақтөбе облысында жауын-шашын (жаңбыр, қар) күтіледі.

Сонымен қатар республика бойынша жел күшейіп, түнгі және таңертеңгі сағаттарда тұман түсуі мүмкін.

Ал Жетісу облысының орталығында, таулы аудандарында 3 градусқа дейін үсік жүруі ықтимал.

Айта кетелік, бұған дейін синоптиктер биыл Қазақстанда қыс қандай болатынын болжаған еді.

Мәтіннен қате тапсаңыз, бізге жазыңыз