Top.Mail.Ru

Сайт нұсқасы

ru kz

Зектілері

"Жанымызға қатты батуда": ҚМДБ Палестинадағы ахуалға қатысты пікір білдірді

Опубликовано:

muftyat.kz
Қазақстан мұсылмандары діни басқармасы. Фото: Қазақстан мұсылмандары діни басқармасы

Қазақстан мұсылмандары діни басқармасы Ислам дініндегі қасиетті үшінші мекен саналатын Құдыс (Палестина) жерінде болып жатқан қақтығысқа қатысты мәлімдеме жасады, деп хабарлайды ҚМДБ ресми сайты.

Қазақстан мұсылмандары діни басқармасы Ислам дініндегі қасиетті үшінші мекен саналатын Құдыс жерінде болып жатқан қантөгіске қатты алаңдаушылық білдіретінін мәлімдеді.

Сондай-ақ ҚМДБ өкілдері қаншама жылдан бері шешімін таппай келе жатқан мәселенің бейбіт жолмен, өзара ымыра аясында шешілуін тілейтінін атап өтті.

"Адамзат баласын бірлік пен игілікке шақырған пайғамбарлар ізі қалған қасиетті мекеннің бүгінде соғыс алаңына айналып, мыңдаған бейкүнә жандардың, әсіресе сәбилер мен бейбіт тұрғындардың оққа ұшып, қаза табуы баршамыздың жанымызға қатты батуда. Ауыр жарақат алып, үрей құшағында өмір сүріп отырған жандардың тез сауығып кетуін тілейміз.

Қазақстан мұсылмандары діни басқармасы тараптарды бейбіт келісімге келуге және қантөгісті шұғыл тоқтатып, халыққа зарар келтірмеуге үндейді.

Сондай-ақ Палестина халқының халықаралық келісімдер мен резолюцияларда бекітілген тарихи құқығын қолдайтындығын мәлімдейміз.

Еліміздегі барша мұсылман қауымын қасиетті мекеннің тыныштығы мен амандығы үшін дұға жасауға шақырамыз. Алла Тағала жер бетін түрлі бүліктер мен соғыстан аман еткей. Әмин!", - делінген ҚМДБ ресми сайтының хабарламасында.

Мақаланың түпнұсқасы: https://kaz.nur.kz/society/2041908-zanymyzga-qatty-batuda-qmdb-palestinadagy-axualga-qatysty-pikir-bildirdi/