Бүгін ел аумағында жел күшейіп, көктайғақ болады деп күтілуде

Синоптиктер сейсенбі, 24 қазанда елімізде ауа райы қандай болатынын болжады, деп хабарлайды "Қазгидромет" РМК ресми сайтында.

Метеорологтардың мәліметінше, атмосфералық фронттардың әсерінен бүгін республиканың басым бөлігінде ауа райы құбылмалы болады. Кей жерлерде жауын-шашын (жаңбыр, қар), көктайғақ күтіледі.

Тек елдің орталығында антициклонның әсерінен жауын-шашынсыз, күн ашық болады.

Сондай-ақ бүгін республика бойынша тұман түсіп, жел күшейді деп күтілуде.

Айта кетелік, бұған дейін синоптиктер алдағы үш күнде яғни, 24-26 қазан аралығында елімізде ауа райы қандай болатынын болжаған еді.