Жаңа жылда Астанада отшашу бола ма: әкімдік жауап берді

Астана қаласы Коммуникациялар қызметінде өткен брифингте Есіл ауданының әкімі Асылбек Есенбаев астаналықтар үшін 31 желтоқсанда Жаңа жыл мерекесіне орай отшашу бола ма деген сұраққа жауап берді. Бұл туралы KAZ.NUR.KZ тілшісі хабарлайды.

"31 желтоқсанда отшашу болады, қазір қай жерде болатынын нақтылап жатырмыз. Бұл туралы әлеуметтік желілерде жарияланады. Біз шамамен Expo-дағы бас шырша орналасқан аумақта болатын шығар деп жоспарладық", - деді Есіл ауданының әкімі Асылбек Есенбаев.

Еске сала кетейік, Астанада 17 желтоқсанда бас шыршаның шамы жанды. Бас шырша Expo көрмесіндегі "Нұр Әлем" павильонының жанында орналасқан.

Кейін Астана әкімі елорданы Жаңа жылға безендіруге қанша қаражат жұмсалғанын айтқан болатын.

Мәтіннен қате тапсаңыз, бізге жазыңыз