Жаңа жыл қарсаңында Астана әуежайында 500-ден астам адам рейсін күтіп қалды
Опубликовано:
Ауа райының қолайсыздығына байланысты Астана халықаралық әуежайында 500-ден астам жолаушы өз рейсін күтіп отыр, деп хабарлайды әуежай Telegram-дағы ресми арнасында.
"Астана халықаралық әуежайы атынан жолаушыларға ыстық сусын мен ыстық тамақ таратылады.
Қолайсыз ауа-райында әуежай қызметіне қолдау көрсетіп жатқан жолаушыларға алғысымызды білдіреміз", - деп хабарлады Астана халықаралық әуежайының баспасөз қызметі.
Айта кетейік, бүгін түске дейін Астана әуежайы ұшақтарды қабылдауды уақытша тоқтатып, ондаған рейс кешігіп жатқанын хабарлаған едік.
Мақаланың түпнұсқасы: https://kaz.nur.kz/society/2053419-zana-zyl-qarsanynda-astana-auezaiynda-500-den-astam-adam-reisin-kutip-qaldy/
