Ақтаудағы аққулардың өлімі: Rixos қонақ үйіне қарсы екі іс қозғалды

Маңғыстау облысының экология департаменті Aktau Tourism Ltd компаниясының экологиялық заңнама талаптарын сақтамағанын хабарлады. Бұл туралы Lada.kz сайтына сілтеме жасаған KAZ.NUR.KZ.

Басылымның хабарлауынша, Rixos Water World Aktau қонақ үйіне қатысты 2 әкімшілік іс қозғалды:

• Қазақстан Республикасы әкімшілік құқық бұзушылық туралы кодекстің 331-бабының 2-бөлігі , яғни, атмосфералық ауаға ластаушы заттардың шығарындыларын тазалау және бақылау үшін ақаулы құрылыстарды немесе жабдықтарды пайдалану немесе пайдалану ережелерін бұзу бойынша әкімшілік іс қозғалды;
• Қазақстан Республикасы әкімшілік құқық бұзушылық туралы кодекстің 328-бабының 1-бөлігі яғни, технологиялық эмиссия нормативтерін, технологиялық разряд нормаларын асыру бойынша әкімшілік іс қозғалды.

Сонымен қатар қазіргі уақытта мекемеге қатысты әкімшілік айыппұл есептеліп жатқаны атап өтілді.

Сондай-ақ Қаракөл көліне сарқынды суларды ағызуды ластаушы заттардың шекті рұқсат етілген концентрациясының рұқсат етілген нормаларына тазарту дәрежесін келтіргенге дейін немесе сарқынды суларды қалалық кәрізге ағызуды тоқтата тұру қажеттілігі туралы бұзушылықтарды жою туралы ұйғарым шығарылды.

Еске сала кетейік, қаңтар айында Маңғыстау облысында 800-ден аса аққу өлгеннен кейін сарапшылар Қаракөлде ластаушы заттардың шамадан тыс көп екенін анықтап, қонақүйге қатысты тексеріс бастаған болатын.

Мәтіннен қате тапсаңыз, бізге жазыңыз