"Жылап отырды": құрбысы Салтанат Нүкенованың соңғы барған концерті туралы айтты

Салтанат Нүкенованың өліміне қатысты сот отырысында марқұмның құрбысы Аида Ахмединадан жауап алынды. Ол 8 қарашада өткен концертте не болғанын айтты, деп хабарлайды KAZ.NUR.KZ тілшісі.

Салтанат құрбысын "Қуандық оны жақсы көреді" деп Дима Биланның концертіне шақырған.

"Салтанат ертерек кездесейік деді. Мен BAU-ға сағат 18:30-да келдім, оны бірден танымай қалдым, даяшыдан: "Салта қайда?" деп сұрадым, ол қара шашты қызды көрсетті. Мен оны соңғы рет көргенде, шашы сарғыштау болған еді. Оған қарасам, тек көзі мен бет сүйегі қалған. Қатты арықтап кеткен.

"Салта, ауырып тұрсың ба?" деймін. "Жоқ, мен жай ғана боядым үлкен көрсетіп тұр ма, деп жауап берді. Саған қолын көтере ме" деп сұрадым. "Жоқ, біз психологпен жұмыс істеп жүрміз, үйге жөндеу жұмыстарын жасап жатырмыз", деп жақсы көңіл-күйде айтты", - дейді Аида.

Ол "Қазақстан" орталық концерт залына кіреберісте олардың қасында бір қыз келгенін атап өтті.

"Салта екеуміз әрірек кеттік, Қуандық қызбен бет сүйісіп амандасты. Біз гардеробқа, кейін дәретханаға бардық. Қуандық ол қызды бұрынғы әріптесім деп айтты. Қуандық бізге кіре беріңдер, қазір келемін деді. Біз отырдық, фотоға түстік. Мен ол қайда кетті деп сұрадым. Салта білмеймін, оған BAU-дан бірдеңе әкелу керек деп жауап берді", - дейді құрбысы.

Ол шамамен 40 минут бойы келмеді. Ал Салтанат оның концерттің бір бөлігін көрмей қалғанына алаңдады.

"Ол бір стақан кофе әкеліп берді де, Салтаға бірдеңе айта бастады. Салтаның жүзі бірден өзгерді, бірдеңені түсіндіріп жатты. Не болды деп сұрағанымда, "бәрі жақсы" деді. Сосын қарасам, Қуандық Салтанатқа тағы бірдеңе дейді, Салтанат жылап отырды. "Салта, сыртқа шығайық" десем, "жоқ, біз сөйлесіп отырмыз" деді.

Бір кезде Салта орнынан тұрып, оның артынан кетті. Олар бірге шығып кетті. Мен кетіп қалды деп ойламадым: келеді деп ойладым. Отыра бердім. Содан кейін маған Салтадан хабарлама келеді: "Менің нөмірім сол жерде ме?" деген. Мен де шықтым. Гардеробқа бардым. Олар жоқ, Қызық, олар шынымен кетіп қалды ма деп Салтаға телефон соғып, нөмірлерді сұраймын, бірақ ол да таппағанын айтты", - деді құрбысы.

Бұған дейін сотта Салтанат Нүкенованың құрбысы Аида Ахмедина Нүкенова мен Бишімбаевтың қарым-қатынасы туралы баяндап берген болатын.

Бүгін түске дейін Бишімбаевқа қатысты басты сот отырысы жалғасқан болатын. Түстен кейін сот отырысы қайта жалғасты.

Сотта Нүкенова қаза болған түні жұмысшы мен BAU қызметкерінің алмасқан хаты оқылды.

Кейін Нүкенова қайтыс болған күні мейрамханада Бишімбаевтан жауап алған сәттің видеосы көрсетілген еді.

Сондай-ақ сот отырысы барысында сот-медициналық сарапшы Бишімбаев Нүкенованы қылғындырған болуы мүмкін екенін айтқан.