Астанадағы көшелердің бірінде жол ішінара жабылады

Елордалық Көлік және жол-көлік инфрақұрылымын дамыту басқармасы Игілік көшесіндегі жол төсеміне орташа жөндеу жұмыстарын жүріп жатқанын мәлім етті. Бұл туралы KAZ.NUR.KZ Астана әкімдігінің ресми сайтына сілтеме жасап хабарлайды.

"Осыған байланысты осы жылдың 30 сәуірінен 6 мамырына дейін Жаңажол көшесінен Тайбурыл көшесіне дейінгі Игілік көшесінің учаскесі ішінара жабылады", - делінген хабарламада.

Ведомство өкілдері елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды, сондай-ақ жол-құрылыс жұмыстарын жүргізуге түсіністікпен қарауды сұрайды.

Айта кетейік, Астана мен Алматыда субұрқақтар қашан іске қосылатыны белгілі болған еді.

Сондай-ақ биыл Астанада қараша айының соңына дейін LRT станцияларының бірінің салынуына байланысты Сығанақ көшесіндегі учаскелердің бірінде көлік қозғалысы толығымен жабылады.