Top.Mail.Ru

Сайт нұсқасы

ru kz

Зектілері

Астанада 30-дан астам автобустың қозғалыс бағыты уақытша өзгереді

Опубликовано:

Астана көшелері
Астана көшесіндегі адамдар. Көрнекі фото: NUR.KZ/Владимир Третьяков

Елордада өтетін ШЫҰ саммиті кезінде Мәңгілік Ел даңғылында көлік қозғалысына шектеу қойылуына байланысты 32 автобустың қозғалыс бағыты өзгереді. Бұл туралы KAZ.NUR.KZ Астана әкімдігіне сілтеме жасап хабарлайды.

Астана әкімдігінің ресми сайтындағы мәлімет бойынша, 3-4 шілдеде елордада бірнеше автобус бағытының сызбасы уақытша өзгереді.

"3-4 шілдеде № 10, 12, 15, 15А, 18, 19, 21, 27, 28, 29, 29А, 30, 32, 35, 40, 42, 43, 46, 47, 50, 51, 52, 53, 54, 55, 56, 60, 61, 70, 84, 121, 201 бағдарлардың сызбасы уақытша өзгереді. Өзгерту Мәңгілік ел даңғылы бойында көлік қозғалысына шектеу шаралары жүргізілуіне байланысты", - делінген хабарламада.

Еске сала кетейік, 3-4 шілдеде Астанада Шанхай ынтымақтастық ұйымының саммиті өтеді.

Ақорда хабарлауынша, саммит аясында ШЫҰ-ға мүше мемлекеттердің басшылары саяси, сауда-экономикалық және мәдени-гуманитарлық өзара іс-қимылдың өзекті мәселелерін талқылайды.

Сонымен қатар ертең, 3 шілдеде елордада отшашу болады.

Астанада ШЫҰ саммиті кезінде яғни, 3-4 шілдеде жедел жәрдем, емханалар мен ауруханалар штаттық режимде жұмыс істейтіні хабарланды.

"Хабардар бол!" - NUR.KZ ұсынған жаңалықтар топтамасы

Редакция ең өзекті мақалаларды бір жерге топтастырып, назарға ұсынады. Әлемде және елде болып жатқан аптаның ең маңызды оқиғаларынан әрдайым хабардар болып отырыңыз.

* міндетті түрде толтырылуы керек жол

Мақаланың түпнұсқасы: https://kaz.nur.kz/society/2127717-astanada-30-dan-astam-avtobustyng-qozgalys-bagyty-uaqytsha-ozgeredi/