Алматы облысындағы қалалардың бірінің шекарасы кеңейтілуі мүмкін

Алматы облысы Еңбекшіқазақ ауданы Есік қаласының шекарасының ауданы өзгеруі мүмкін. "Ашық НҚА" порталында бұйрық жобасы жарияланды, деп хабарлайды KAZ.NUR.KZ.

Еңбекшіқазақ ауданы әкімдігінің шешімінде:

"Алматы облысы Еңбекшіқазақ ауданы Есік қаласының шекарасы (шегі) жалпы көлемі 2529,64 гектарға өзгертіліп, Есік қаласының жаңа шекарасының жаңа көлемі 4228,54 гектар болып өзгерту туралы сұрақ Алматы облысының әкімдігі мен Алматы облыстық мәслихатында қаралады.

Еңбекшіқазақ аудандық әкімдігінің қаулысы мен Еңбекшіқазақ аудандық мәслихаты шешімінің орындалуын Еңбекшіқазақ ауданы әкімінің орынбасары қадағалайды", - делінген.

Құжат 9 қыркүйекке дейін қоғамдық талқылауға шығарылған.

Еске салсақ, бұған дейін Қонаев, Іле және Талғар аудандарының бір бөлігі еліміздегі жаңа қаланың құрамына кіруі мүмкін екенін жазған едік.

"Алатау қаласының шекарасын (шегін) белгілеу туралы" нормативтік құқықтық актінің жобасы 9 шілдеде жарияланған.