"ҚазАвтоЖол" қазақстандық жүргізушілерге үндеу жасады

"ҚазАвтоЖол" ҰК" АҚ қазақстандық жүргізушілерге ауа райының нашарлауына байланысты үндеу жасады. Бұл туралы KAZ.NUR.KZ компанияға сілтеме жасап хабарлайды.

"Құрметті жол пайдаланушылар! Қауіпсіздік мақсатында жол жүру ережесін қатаң сақтап, жолдардағы ауа райының қолайсыздығын ескерулеріңізді сұраймыз", - деп ескертті компания өкілдері.

Ведомство мәліметінше, СҚО мен Ақмола облыстарының кей жерлерінде жаңбыр жауады.

Шығыс Қазақстан облысында дымқыл қар жаууы мүмкін.

Алматы қаласы, Алматы және Жетісу облыстарында жауын күтілуде, таулы аймақтарда қар түсуі мүмкін.

Айта кетейік, алдағы демалыс күндері еліміздің кей өңірінде аяз болады деп болжанған болатын.

Мәтіннен қате тапсаңыз, бізге жазыңыз