"ҚазАвтоЖол" Астана мен үш облыстың көлік жүргізушілеріне ауа райына байланысты ескерту жасады

"ҚазАвтоЖол" ҰК" АҚ ауа райының нашарлауына байланысты Астана мен бірнеше облыстың автокөлік жүргізушілерін жолда сақ болуға шақырды, деп хабарлайды KAZ.NUR.KZ.

“Астана қаласында, сондай-ақ Қостанай, Ақмола және Павлодар облыстарының кей жерлерінде қар аралас жаңбыр жаууы мүмкін. Сол себепті жүргізушілерге қауіпсіздік ережесін қатаң сақтап, жолдардағы ауа райының қолайсыздығын ескерулеріңізді сұраймыз”, - делінген компанияның Telegram-дағы арнасында.

Еске салайық, 10-12 қазан аралығында Қазақстанда ауа температурасының төмендеуі, сондай-ақ қар аралас жаңбыр жауып, жел күшеюі мүкін деп болжанған едік.

Сондай-ақ ауа райы болжамына сәйкес, қазанның бірінші онкүндігінде атмосфералық фронттардың өтуіне байланысты республиканың басым бөлігінде жаңбыр жауып, желдің күшейетіні (15-25 м/с) айтылған. Солтүстік жақта түнгі уақытта жауған жаңбыр соңы сулы қарға ұласуы мүмкін.

Материал авторы: Назгүл Назар

Мәтіннен қате тапсаңыз, бізге жазыңыз