Шымкентте теміржол өткелінде көлік қозғалысы уақытша шектеледі

Шымкентте 19 қазанда Момынов көшесі мен теміржол қиылысында көлік қозғалысы шектеледі. Бұл туралы KAZ.NUR.KZ қала әкімдігінің Instagram-дағы парақшасына сілтеме жасап хабарлайды.

Әкімдік мәліметінше, Момынов көшесі мен теміржол қиылысқан күзетпелі өтпеде (3294 км 9 пикетіндегі) автокөліктер өтуге арналған төсемені, теміржол рельстерін ауыстыру жұмыстары жоспарланып отыр. Осыған байланысты, аталған өткелде көлік қозғалысы шектеледі.

Жөндеу жұмыстары 19 қазанда сағат 9:00-ден кешкі 21:00-ге дейін созылмақ. Әкімдік тұрғындардан көлік бағыттарын алдын-ала жоспарлауды сұрайды.

Айта кетейік, Шымкентте 15 қазаннан бастап қоғамдық көліктерде жолақысын қолма-қол ақшамен төлеу жүйесі жойылды. Жолаушыларға қолайлы жағдай жасау, жүргізушілер мен жолаушылардың қауіпсіздігін қамтамасыз ету және көлеңкелі ақша айналымын заңдастыру үшін тек электронды түрде төлемдер жүргізуге шешім қабылданған еді.