Бүгін еліміздің ірі қалаларының бірінде қар жауады

Астана, Алматы мен Шымкентте 11 қарашада ауа райы қандай болады? Ауа райы болжамын OpenWeather порталы жария етті, деп хабарлайды KAZ.NUR.KZ.

Бүгін Алматыда күн бұлтты болады. Күндіз ауа температурасы 10 градусқа дейін көтеріліп, түнде -2 градусқа дейін түседі. Желдің жылдамдығы 2,6 м/с болмақ.

Астанада, синоптиктердің болжамынша, қар жауады. Күндіз ауа температурасы 0 градусқа дейін жетіп, түнде -15 градусқа дейін төмендейді. Желдің жылдамдығы 8,2 м/с болады.

Шымкентте бүгін аздаған бұлт шығады деп болжанып отыр. Күндіз термометр бағаны 12 градусқа дейін жетіп, түнде 4 градусқа дейін түседі. Желдің жылдамдығы 5,7 м/с деңгейінде болмақ.

Еске салсақ, бұған дейін еліміздің бірқатар өңірінде ауа райының қолайсыздығына байланысты Ішкі істер министрлігі жол қозғалысына қатысушыларға үндеу жасаған еді.