Алматыда Жаңа жылға орай отшашу бола ма

Алматы әкімдігі оңтүстік астанада Жаңа жыл мерекесіне орай қала тұрғындарын отшашумен қуантуға уәде берді. Бұл туралы KAZ.NUR.KZ әкімдікке сілтеме жасап хабарлайды.

Әкімдіктің баспасөз қызметінің мәліметінше, отшашу 31 желтоқсаннан 1 қаңтарға қараған түні сағат 00:00-де басталады. Іс-шара демеушілердің қаражаты есебінен өткізіледі.

Отшашудың нақты өтетін орны жақын күндері хабарланатын болады.

Айта кетейік, бүгін Алматыда бірнеше жаңажылдық шыршалар шамы жағылатынын еске саламыз. Бас шыршаның шамын жағу рәсімі 20 желтоқсан күні сағат 19:00-де Абай алаңында өтеді. Шарада қазақ эстрадасының жұлдыздары қатысатын концерт пен үлкен шоу жоспарланған.

Биыл жалпы оңтүстік астананы жаңа жылға безендіруге 800 миллион теңге жұмсалғанын бұған дейін айтқан болатынбыз.

Мәтіннен қате тапсаңыз, бізге жазыңыз