Синоптиктер қаңтардың соңғы күндері Қазақстанда күн райы қандай болатынын болжады
Опубликовано:
Алдағы күндері Қазақстандағы күн райына солтүстік-батыс циклоны әсер етіп, ел аумағында жауын-шашын, қар және 28 градусқа дейінгі аяз болады деп күтіледі. Бұл туралы "Қазгидромет-ке" сілтеме жасаған KAZ.NUR.KZ хабарлайды.
Синоптиктердің хабарлауынша, Қазақстан аумағының басым бөлігінде күн райы солтүстік-батыс циклонына байланысты болады. Соның әсерінен жауын-шашын, қар, жылбысқы қар және жаңбыр түрінде бұлтты күн райы күтіледі.
Метеорологтар 30-31 қаңтарда елдің шығысында, 31 қаңтарда елдің солтүстігінде қалың қар, боран, екпінді жел, тұман болады деп болжап отыр.
Елдің оңтүстігінде, оңтүстік-шығысында 30-31 қаңтарда қатты жауын-шашын (жаңбыр, қар), көктайғақ болады деп күтіледі. Республиканың батыс облыстарында ғана антициклон сілемі әсерінен жауын-шашын болмайды.
Ал елдің солтүстігінде, шығысында және орталығында ауа температурасы түнгі уақытта -20...-28°C-қа дейін төмендейді, алайда күндіз 1 ақпанда термометр бағаны нөлдік белгіге жақындайды.
Еске сала кетейік, бұған дейін синоптиктер 2025 жылдың ақпанына дейін ауа райы қандай болатынын айтқан еді. Ақпан айында республиканың көп бөлігінде ауа температурасы нормадан 1 градусқа жоғары болады деп болжанып отыр.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2216237-sinoptikter-qangtardyng-songgy-kunderi-qazaqstanda-kun-raiy-qandai-bolatynyn-bolzhady/