Тоқаев белгілі журналист Лев Тараковтың жақындарына көңіл айтты

Президент Қасым-Жомарт Тоқаев танымал журналист, қоғам қайраткері, «Время» газетінің бас редакторы Лев Тараковтың дүниеден өтуіне байланысты оның отбасы мен туған-туыстарына көңіл айту жеделхатын жолдады, деп хабарлайды Ақорда.

"Шығармашылық династияның талантты өкілі Лев Юрьевич отандық журналистиканың дамуына, жас мамандарды тәрбиелеуге үлкен үлес қосты. Ол әріптестері арасында зор абырой мен құрметке бөленіп, кәсібилік пен өз ісіне адалдықтың үлгісін танытты", – делінген жеделхатта.

Айта кету керек, бүгін танымал қазақстандық журналист, "Время" қоғамдық-саяси газетінің бас редакторы Лев Тараков 59 жасында өмірден өткені белгілі болды.

Мәтіннен қате тапсаңыз, бізге жазыңыз