Ғашықтар күні Қазақстанда қанша жұптың некесі қиылды

Бүгін 15 сәуір - "Қозы Көрпеш-Баян сұлу" күні елімізде жүздеген жұп неке қиюға өтініш берген. Бұл туралы Азаматтарға арналған үкіметтің Telegram-арнасынан мәлім болды.

"Бұл күні 500-ден астам жұп неке қиюға өтініш берген. Ең көп өтініш Алматы, Астана және Түркістан облыстарында тіркелген. Айта кетейік, 2025 жылдың 1 тоқсанында "Азаматтарға арналған үкімет" Мемлекеттік корпорациясында 23 835 неке тіркелген", - делінген хабарламада.

Бұған дейін былтыр Қазақстанда 123,6 мың неке тіркелгенін жазған едік. Заңды некеге тұрғандардың дені Астана қаласынан. Бұл туралы Ұлттық статистика бюросы мәлім етті.