Мамырда бірнеше өңірде орташа құрғақшылық болуы мүмкін

Синоптиктердің болжамынша, мамырда Қазақстанның бірнеше өңірде орташа құрғақшылық болуы мүмкін. Бұл туралы "Қазгидромет" РМК-ға сілтеме жасаған KAZ.NUR.KZ хабарлайды.

Метеорологтардың мәліметінше, 2025 жылғы мамырда алдын ала есептеулер бойынша және қалыптасқан метеорологиялық жағдайларды ескере отырып, мына облыстарда орташа құрғақшылық болады деп күтіліп отыр:

• Қостанай облысы Амангелді, Жангелді аудандарында және Арқалық қаласының маңында;
• Батыс Қазақстан облысы Казталов, Жаңыбек, Жаңақала және Ақжайық аудандарында;
• Ақтөбе облысы Шалқар ауданында;
• Атырау облысы Құрманғазы және Исатай аудандарында;
• Қарағанды облысы Ақтоғай және Шет аудандарында;
• Алматы облысы Балқаш ауданында;
• Жетісу облысы Алакөл ауданында;
• Жамбыл облысы Мойынқұм ауданында;
• Түркістан облысы Созақ ауданында;
• Маңғыстау (Бейнеу, Маңғыстау, Қарақия) және Қызылорда (Арал, Қазалы, Қармақшы, Шиелі аудандары және Қызылорда қ.) облыстарының басым бөлігінде.

Елдің қалған аумағында ылғалдандыру шарттары нормаға жақын болады деп күтілуде.

Мәтіннен қате тапсаңыз, бізге жазыңыз