Маусымнан бастап Біріккен Араб Әмірліктерінің әуекомпаниясы Қазақстанға рейстерді іске қосады
Жарияланған күні:
1 маусымнан бастап Air Arabia Abu Dhabi әуекомпаниясы Қазақстанға рейстерді іске қосады. Бұл туралы еліміздің Азаматтық авиация комитетіне сілтеме жасаған KAZ.NUR.KZ хабарлайды.
"ҚР КМ Азаматтық авиация комитеті ұшу географиясын кеңейту және халықаралық рейстер санын арттыру бойынша жұмыс жүргізіп жатыр.
Осы жылдың 1 маусымынан бастап Қазақстанның әуетасымалдау нарығына БАӘ-ның Air Arabia Abu Dhabi жаңа әуекомпаниясы кіреді.
Әуекомпания Абу-Даби – Алматы бағыты бойынша аптасына 3 рейс жиілігімен (сейсенбі, жұма және жексенбі) тікелей тұрақты жолаушылар рейстерін орындауды бастауды жоспарлап отыр", - делінген хабарламада.
Қазақстан мен БАӘ арасында әуе қатынасының ашылуы елдер арасындағы сауда-экономикалық, іскерлік, инвестициялық, туристік және мәдени ынтымақтастықты одан әрі дамытуға ықпал етпек.
Айта кетейік, бұған дейін 1 мамырдан бастап QazaqAir әуекомпаниясы Өзбекстанға жаңа бағыт ашуды жоспарлап отыр.
Сондай-ақ 1 мамырдан бастап Таиландқа кіру ережесі өзгереді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2239215-mausymnan-bastap-birikken-arab-amirlikterining-auekompaniiasy-qazaqstanga-reisterdi-iske-qosady/